CƏMİYYƏT


Bu ilin sonuna kimi 1500 qazi və şəhid ailəsi mənzillə təmin olunacaq

Bakı, 28 iyul, AZƏRTAC

Yaxın iki ay ərzində daha 500 nəfər şəhid ailəsi və qazi fərdi ev və mənzillə təmin olunacaq.

AZƏRTAC xəbər verir ki, bunu Sosial Xidmətlər Agentliyinin İdarə Heyətinin sədri Vüqar Behbudov deyib.

Agentliyin sədri 2022-ci ildə 1500 şəhid ailəsi və qazinin mənzil və fərdi evlərlə təmin olunmasının nəzərdə tutulduğunu bildirib.

Vüqar Behbudov göstərilən kateqoriya üzrə insanlarla bağlı dövlət siyasətinin həyata keçirilməsində hansısa problemin olmadığını qeyd edib: “Həmin şəxslərdən artıq 600 nəfərə ev və mənzillər təqdim olunub. Bu il 160 nəfər müharibə əlilinin avtomobillə təminatı planlaşdırılır. Artıq 100 nəfərə avtomobil təqdim olunub. Yaxın vaxtlarda 60 nəfərə də avtomobil veriləcək”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.