DÜNYA


Çad hakimiyyəti ölkə sərhədlərini yenidən açıb

Bakı, 21 aprel, AZƏRTAC

Çad hakimiyyəti aprelin 20-də ölkə Prezidenti İdris Debi İtnonun ölümünün milli televiziya ilə elanından sonra bağladığı sərhədləri yenidən açıb.

AZƏRTAC France-Presse agentliyinə istinadla xəbər verir ki, sərhədlərin açılması barədə qərar keçici hərbi şuranın fərmanında əksini tapıb.

“Çadın hava və quru sərhədləri yenidən açıqdır”, - deyə ordunun rəsmi nümayəndəsi polkovnik Azema Bermandoa bildirib.

O, həmçinin ölkədə tətbiq olunan komendant saatının azaldılaraq yerli vaxtla 20:00-dan 05:00-dək davam edəcəyini deyib.

Qiyamçılarla mübarizədə silahlı qüvvələrin əməliyyatına rəhbərlik etmək üçün yollandığı cəbhə xəttində ağır yaralanan Çad Prezidenti İdris Debi aprelin 20-də xəstəxanada vəfat edib. O, aprelin 11-də keçirilən seçkilərdə 79 faizdən çox səs toplayaraq 6-cı müddətə Çadın rəhbəri seçilmişdi.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.