DÜNYA


COVID-19: Fransa İspaniya və İsveçrə ilə sərhədlərini bağlayacaq və bu ölkələrdən gələnlərə təcridolma rejimi tətbiq edəcək

Paris, 2 dekabr, AZƏRTAC

Fransızların dağ-xizək komplekslərində koronavirusa yoluxmasının qarşısını almaq üçün Fransa hökuməti İspaniya və İsveçrə ilə sərhədlərə nəzarət tətbiq etməyi planlaşdırır.

AZƏRTAC xəbər verir ki, Baş nazir Jan Kasteks bu haqda məlumat verib və görülən tədbirlərin epidemiyanın yayılmasının qarşısını almaq məqsədi daşıdığını deyib.

Bildirilib ki, İspaniya və İsveçrə dağ-xizək komplekslərindən qayıdan fransızlara sərhəd departamentlərinin prefekturaları 7 günlük məcburi təcridolma tətbiq edəcək.

Fransadakı dağ-xizək komplekslərinin yerləşdiyi qəsəbələrin merləri komplekslərin bağlanmasına etiraz edirlər. Xizək komplekslərinin bir ölkədə açıq, digərində isə bağlı olmasını qəbul etmirlər. Onlar xarici müştərilərini itirəcəklərini deyərək, onların daha ucuz ölkələrə, xüsusilə də Bolqarıstanın Bansko xizək kompleksinə üz tutacaqlarını bildirirlər.

Fransa İspaniya və İsveçrədən dağ-xizək komplekslərini bağlamağı tələb edib. Bu ölkələrdən hələ bir cavab qəlməsə də, bu istiqamətdə diplomatik danışıqların davam etdiyi bildirilir.

Planet xizəkçilərinin 43 faizini cəlb edən Alp dağlarının illik gəliri 28 milyard avro təşkil edir. Fransa qış turistlərinə görə Avstraliyadan sonra 2-ci yeri tutur.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.