DÜNYA


Cənubi Koreya KXDR-in Soxe poliqonundakı fəaliyyətini diqqətlə izləyir

Bakı, 11 mart, AZƏRTAC

Koreya Respublikasının hərbçiləri KXDR-in nüvə-raket proqramı ilə bağlı fəaliyyətinin monitorinqini gücləndirib.

AZƏRTAC Yonhap informasiya agentliyinə istinadla xəbər verir ki, bunu qərargah rəisləri komitəsinin nümayəndəsi polkovnik Kim Çun Nak deyib.

“Koreya Respublikasının Silahlı Qüvvələri ABŞ-la birgə poliqondakı bütün hərəkətliliyi, eləcə də raket startlarına mümkün hazırlıqla bağlı fəaliyyətləri diqqətlə izləyir”, - deyə o bildirib. Bununla yanaşı, polkovnik təfərrüatları açıqlamaqdan imtina edib.

Bir qədər əvvəl ABŞ-ın ictimai radiosu kommersiya peyklərindən əldə edilən fotoşəkillərin analizinə əsasən, KXDR-in raket sınağına, yaxud kosmik buraxılışa hazırlıq işləri gördüyünün ehtimal olunduğu barədə xəbər yaymışdı. “DigitalGlobe” kompaniyasının məlumatına əsasən, Pxenyan yaxınlığında yerləşən Sanumdon yaşayış məntəqəsi rayonundakı obyektdə böyük miqdarda xüsusi texnika qeydə alınıb.

Həmçinin Şimali Koreya problemləri ilə məşğul olan 38 North saytı və Amerika strateji və beynəlxalq tədqiqatlar mərkəzi bundan bir neçə gün əvvəl KXDR-in Sanumdonda uzaqmənzilli raket buraxılışı kompleksinin yerləşdiyi Soxe obyektində fəallığını bərpa etməsinin mümkünlüyünü bildirmişdi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.