MƏDƏNİYYƏT


“Cırtdan” uşaqları bu dəfə Opera və Balet Teatrında gözləyir

“Cırtdan” uşaqları bu dəfə Opera və Balet Teatrında gözləyir

Bakı, 14 mart, AZƏRTAC

Azərbaycan Dövlət Akademik Opera və Balet Teatrı bu ay balaca tamaşaçılarını da unutmayıb. Onlar martın 19-da sənət ocağının səhnəsində “Cırtdan” operasını izləyə biləcəklər.

Bu barədə AZƏRTAC-a Opera və Balet Teatrından məlumat verilib.

Bildirilib ki, uşaqların zövqünü oxşayacaq səhnə əsərində əsas rolları Əməkdar artistlər İnarə Babayeva, Səbinə Vahabzadə, Tural Ağasıyev, teatrımızın solistləri Mahir Tağızadə, Aynel Mehdiyeva, Mələk İsrafilova, Dilarə Mustafayeva, Esmira Məmmədova və Elmira Qafarova ifa edəcək.

“Opera balacaların bədii-estetik zövqünün formalaşması və onlarda kiçik yaşlarından akademik sənətə məhəbbət və maraq aşılamaq məqsədilə hazırlanıb. Bəstəkarı Nazim Əliverdibəyov olan səhnə əsəri Əməkdar incəsənət xadimi Sevil Hacıyeva tərəfindən idarə olunacaq. Operanın quruluşçu rejissoru Əməkdar incəsənət xadimi Hafiz Quliyevdir”, - deyə qeyd olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.