SİYASƏT


Deputat Adil Əliyev: Gəncədə cinayət törədənlər cəzasız qalmayacaqlar

Bakı, 14 iyul, AZƏRTAC

Gəncədə terror aktları və iğtişaş törədənlər ədalət mühakiməsi qarşısında mütləq cavab verəcəklər. Bu cinayətkarların nə milləti, nə də dini var. Onlar Azərbaycan dövlətinə düşmən qüvvələrin əlində bir alətdirlər.

Bu sözləri AZƏRTAC-a açıqlamasında Milli Məclisin deputatı, Azərbaycan Kikboksinq Federasiyasının prezidenti Adil Əliyev Gəncədə baş verən iğtişaşa münasibət bildirərkən söyləyib.

Adil Əliyev deyib: “Neçə gün idi ki, sosial şəbəkələrdə gəncəliləri təxribata çəkmək üçün təbliğat aparılırdı. Hay-küylü təbliğat fiaskoya uğradı. Çünki gəncəlilər onlara dəstək vermədilər. Gəncəlilər həmişə dövlətin, Prezidentin yanında olublar.

Gəncə tarixi bir şəhərdir. Bu şəhər Azərbaycan Xalq Cümhuriyyətinin paytaxtı olub. Gəncə həmişə milli məfkurənin, milli ideologiyanın mərkəzi olub. Şeyx Nizaminin, Cavadxanın və başqa qəhrəmanların yurdu olan Gəncədə radikal qüvvələrə yer yoxdur və onların sosial baza qazanması mümkün deyil. Bunu iyulun 10-da baş verən hadisələr bir daha təsdiqlədi. Gəncəlilər radikallara “Yox!”, sabitliyə, inkişafa “Hə!” dedilər”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.