CƏMİYYƏT


Dövlət Miqrasiya Xidmətinin yeni layihəsi olan Miqrasiya Məktəbi fəaliyyətə başlayıb

Bakı, 3 noyabr, AZƏRTAC

Azərbaycan Respublikası Dövlət Miqrasiya Xidmətinin (DMX) yeni layihəsi olan Miqrasiya Məktəbi fəaliyyətə başlayıb.

DMX-dən AZƏRTAC-a bildiriblər ki, Xidmət tərəfindən sentyabrda Miqrasiya Məktəbinə qəbulla bağlı elan edilən müsabiqənin nəticələrinə əsasən uğur qazanmış 15 gənc bu gün qurumun inzibati binasına dəvət olunublar.

İlk dərs günündə iştirakçılarla görüşən Dövlət Miqrasiya Xidmətinin rəisi Vüsal Hüseynov təşkil olunan bu kursun əhəmiyyətindən danışıb. Sosial, iqtisadi, humanitar, hüquqi məsələləri özündə birləşdirən miqrasiya proseslərinin vacibliyini vurğulayan Xidmət rəisi bu sahədə mütəxəssislərin hazırlanmasına xüsusi önəm verildiyini diqqətə çatdırıb. Tədris proqramı çərçivəsində miqrasiya sahəsində peşəkar biliklərə yiyələnmək, müasir miqrasiya trendləri barədə məlumat almaq, xidmətin müvafiq struktur bölmələrində təcrübə keçmək imkanı yaradılacağını deyən Vüsal Hüseynov iştirakçılara uğurlar arzulayıb.

Xatırladaq ki, altı ay davam edən tədris proqramının əsas məqsədi gələcəkdə müxtəlif sahələr üzrə fəaliyyət göstərəcək gənclərin miqrasiya ilə bağlı biliklərini artırmaq, onlarda bu sahəyə maraq oyatmaq, peşəkar vərdişlər aşılamaq və dövlət idarəçiliyinə dair məlumatlandırmaqdır. Tədris prosesində gənclər üçün həm praktik məşğələlər, həm də xidmətin müvafiq struktur bölmələrində təcrübə keçmək imkanı yaradılacaq. Təlimlər DMX-nin müvafiq sahələr üzrə ixtisaslaşmış əməkdaşları, Miqrasiya Məktəbinin layihə üzrə tərəfdaşlarının nümayəndələri, yerli və beynəlxalq ekspertlər, beynəlxalq və qeyri-hökumət təşkilatlarının nümayəndələri tərəfindən tədris ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.