CƏMİYYƏT


Dünya Bankı: Azərbaycan Cənubi Qafqazda müsbət demoqrafiyaya malik yeganə ölkədir

Bakı, 10 may, AZƏRTAC

Azərbaycan Cənubi Qafqazda yeganə ölkədir ki, burada həm ümumilikdə, həm də regionlar üzrə əhalinin artımı müşahidə olunur.

AZƏRTAC xəbər verir ki, bu barədə Dünya Bankının “Cənubi Qafqazda demoqrafik vəziyyət” adlı məruzəsində bildirilir.

Məruzədə deyilir ki, Azərbaycan əhalisinin sayının orta artım sürəti 2010-cu ildən 2015-ci ilədək olan dövrdə 1,3 faiz təşkil edib. Əhalinin 53,1 faizi şəhərlərdə yaşayır.

Məruzədə, həmçinin qeyd edilir ki, sürətli iqtisadi artıma baxmayaraq, Azərbaycanda urbanizasiyanın səviyyəsi sabit şəkildə aşağıdır.

Sənəddə deyilir ki, 2000-2015-ci illərdə Azərbaycanda ÜDM orta hesabla ildə 11 faiz artıb. “Bu əhəmiyyətli artım daha yüksək sosial transfertlərin və real əməkhaqqının kəskin artması hesabına yoxsulluğun azaldılması ilə müşayiət olunub”, - deyə məruzədə bildirilir.

Həmçinin qeyd olunur ki, adambaşına düşən real ÜDM-in orta illik artım sürəti Abşeron iqtisadi rayonundakı 3 faizdən tutmuş Naxçıvan Muxtar Respublikasındakı 10 faizdən artıq diapazonda yerləşir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.