Elm və təhsil naziri Yevlaxda vətəndaşları qəbul edəcək

Bakı, 8 fevral, AZƏRTAC

Elm və təhsil naziri Emin Əmrullayev fevralın 24-də Yevlax şəhərində vətəndaşları qəbul edəcək.

Bu barədə AZƏRTAC-a Elm və Təhsil Nazirliyindən məlumat verilib.

Bildirilib ki, qəbulda Yevlax, Mingəçevir, Ağdaş, Göyçay, Ucar, Zərdab və Kürdəmir sakinləri iştirak edə bilərlər.

Həmin şəhər və rayonların sakinləri fevralın 16-sı saat 18:00-dək Elm və Təhsil Nazirliyinin çağrı mərkəzinin 146-6 nömrəli telefonuna (yalnız iş günləri və saatları ərzində) zəng etməklə qəbula yazıla bilərlər. Eləcə də nazirliyin rəsmi saytına elektron formada və ya +994 51 206 78 48 nömrəsinə vatsap vasitəsilə müraciət göndərmək mümkündür.

Qəbulda yalnız yuxarıda göstərilən tarixlərdə müraciət etmiş şəxslər iştirak edə biləcəklər.