DÜNYA


Fələstin Polşada keçiriləcək beynəlxalq sammitdə iştirak etməyəcək

Varşava, 10 fevral, AZƏRTAC

Fələstin rəsmiləri fevralın 13-14-də Polşanın Varşava şəhərində keçiriləcək Yaxın Şərqdə Təhlükəsizlik Sammitində iştirak etməyəcəklərini açıqlayıblar.

AZƏRTAC xəbər verir ki, ABŞ rəsmisi bununla bağlı jurnalistlərə müsahibəsində bildirib.

O deyib ki, Ağ Evin baş məsləhətçisi Jared Kuşner sözügedən tədbirdə Fələstin və İsrail arasındakı münasibətləri müzakirə etmək istəyirmiş. Lakin Fələstin tərəfi bu təklifə müsbət cavab verməyib.

Fələstinin danışıqlar üzrə əsas nümayəndəsi Saib Erekat şəxsi Twitter səhifəsində məsələyə münasibət bildirib: “Bizim mövqeyimiz aydındır. Biz bu konfransda iştirak etməyəcəyik və bir daha bildiririk ki, heç kimdən Fələstinin adından danışmağı xahiş etməmişik”.

Aygün Əliyeva

AZƏRTAC-ın xüsusi müxbiri

Varşava

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.