DÜNYA


Finlandiya Prezidenti və Baş naziri ölkənin təcili olaraq NATO-ya üzv olmasını istəyib

Stokholm, 12 may, Rauf Əliyev, AZƏRTAC

Finlandiya təcili olaraq NATO-ya üzv olmalıdır.

AZƏRTAC xəbər verir ki, bu barədə Finlandiyanın Prezidenti Sauli Niinistö və Baş naziri Sanna Marin tərəfindən birgə yayılan mətbuat açıqlamasında bildirilib.

Qeyd edilib ki, Finlandiya gecikmədən NATO-ya üzvlük üçün müraciət təqdim etməlidir.

"NATO-ya üzvlük Finlandiyanın təhlükəsizliyini gücləndirəcək. NATO üzvü kimi Finlandiya da müdafiə alyansının gücünə güc qata bilər. Finlandiya gecikmədən NATO-ya üzvlük üçün müraciət etməlidir. Ümid edirik ki, bu qərarın qəbulu üçün hələ də tələb olunan tədbirlər yaxın vaxtlarda dərhal həyata keçiriləcək" - deyə açıqlamada bildirilib.

Qeyd edək ki, mayın 14-də Finlandiyanın hakimiyyətdə olan Sosial Demokratlar partiyası NATO ilə bağlı rəsmi mövqeyini açıqlayacaq.

Rauf Əliyev

AZƏRTAC-ın xüsusi müxbiri

Stokholm 

 

 

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.