DÜNYA


Finlandiyada yol hərəkəti qaydalarını pozan şəxs 120 min avro məbləğində cərimələnib

Stokholm, 11 iyul, AZƏRTAC

Finlandiyada yol hərəkəti qaydalarını pozan şəxs sürət artımına görə 120 min avro məbləğində cərimə edilib.

AZƏRTAC Finlandiya KİV-lərinə istinadla xəbər verir ki, “Buffalo Sabres” Amerika xokkey komandasının oyunçusu Rasmus Ristolaynen şəhər hüdudunda yol verilən sürəti aşması səbəbindən cərimə edilib.

24 yaşlı xokkeyçi “Mercedes-Benz G 500” avtomobilində saatda 80 kilometrlə özünün doğma şəhəri – Turku ilə hərəkət edib. Yolun bu hissəsində isə sürət həddi saatda 40 kilometr müəyyən edilib. Bu zaman asayiş keşikçiləri yol verilən limiti iki dəfə aşan qayda pozucusunu görüblər. Bu səbəbdən Rasmus Ristolaynen 120 min avro məbləğində cərimə edilib. Bununla yanaşı, qayda pozuntusunun ciddiliyi nəzərə alınaraq o, yəqin ki, müəyyən müddətə sürücülük hüququndan məhrum ediləcək.

Qeyd edək ki, Finlandiya ölkədə yol hərəkəti qaydaları pozucularına böyük həcmdə cərimələrin yazılması ilə məşhurdur. Bu, onunla bağlıdır ki, ölkədə cərimənin ölçüsü qayda pozucusunun bəyannamədə göstərilən gəlirlərinin həcmindən bilavasitə asılıdır.

Rauf Əliyev

AZƏRTAC-ın xüsusi müxbiri

Stokholm

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.