SİYASƏT


Fransalı mer: Faşizm ideologiyasına qarşı qətiyyətlə mübarizə aparılmalıdır

Veysak, 8 may, AZƏRTAC

Silahdaşları onu “Xarko” çağırıblar, biz də “Xarko” deyirik. Əhmədiyyə Cəbrayılovun müharibə vaxtı keçdiyi yol onun qətiyyətli şəxsiyyət olduğunu göstərir. O, çox cəsarətli olub.

Bu fikirləri Fransanın Veysak şəhərinin meri Fransis Delmas azərbaycanlı qəhrəmanların xatirəsinin anım tədbirində AZƏRTAC-a müsahibəsində deyib.

O bildirib ki, Əhmədiyyə Cəbrayılov haqqında çox danışılır, veysaklılar onun xatirəsini daim hörmətlə anırlar. Almaniyadan həbs düşərgəsindən qaçaraq, Fransaya gələn, düşərgədə yaşadığı çətinliklərə baxmayaraq, Ə.Cəbrayılov yenidən Kabertat partizanlarına qoşularaq faşistlərə qarşı mübarizəsini davam etdirib.

“Faşizm ideologiyası məhv edilməlidir. Belə ideologiyaya malik insanlar çox qorxulu və təhlükəlidirlər. Onlar heç nədən çəkinmir və hətta mülki insanları məhv edirlər. Faşizm ideologiyasına qarşı qətiyyətlə mübarizə aparılmalıdır”, - deyə mer qeyd edib.

 

Şəhla Ağalarova

AZƏRTAC-ın xüsusi müxbiri

Veysak

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.