REGİONLAR


Füzuli rayonunda tənha ahıl insanlara və aztəminatlı ailələrə yardım edilir

Füzuli, 10 aprel, AZƏRTAC

Nazirlər Kabineti yanında Operativ Qərargahın tələb və tövsiyələrinə uyğun olaraq respublikamızın hər yerində olduğu kimi, Füzuli rayonunda da koronavirus (COVID-19) infeksiyasının geniş yayılmasının qarşısının alınması, xüsusi karantin rejiminin tələblərinə ciddi əməl olunması məqsədilə qabaqlayıcı tədbirlər həyata keçirilir, maarifləndirmə işləri aparılır.

Karantin rejimi zamanı ən çox çətinlik çəkən insanlar tənha yaşayan, yaşı 65-dən yuxarı olan vətəndaşlardır. AZƏRTAC-ın bölgə müxbiri xəbər verir ki, rayonun müxtəlif yaşayış məntəqələrində tənha yaşayan, yaşı 65-dən yuxarı olan vətəndaşların siyahısı hazırlanıb. Rayon icra hakimiyyətinin rəhbərliyi və aparatın əməkdaşları tərəfindən vaxtaşırı olaraq onlara baş çəkilir, ərzaq yardımı və tibbi ləvazimatlar çatdırılır, digər köməkliklər göstərilir. Yaşlı insanlarla maarifləndirici söhbət aparılır, sağlamlıqlarının qorunması üçün evdə qalmaları, gigiyena qaydalarına ciddi əməl etmələri tövsiyə olunur.

Bu nəcib təşəbbüsü razılıq hissi ilə qarşılayan ahıl vətəndaşlar göstərilən diqqət və qayğıya görə ölkə rəhbərliyinə minnətdarlıqlarını bildiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.