ELM VƏ TƏHSİL


“Gənc istedadlar” liseyinin şagirdləri ABŞ-da ISEF Beynəlxalq Elm və Mühəndislik sərgisində iştirak edirlər

Bakı, 12 may, AZƏRTAC

Bakı Dövlət Universitetinin (BDU) nəzdində “Gənc istedadlar” liseyinin 4 şagirdi ənənəvi olaraq hər il ABŞ-da keçirilən ISEF Beynəlxalq Elm və Mühəndislik Sərgisində iştirak edir.

BDU-dan AZƏRTAC-a bildirilib ki, “Sabahın alimləri” XI respublika müsabiqəsinin qalibləri sırasından seçilən şagirdlər mayın 13-dək ABŞ-ın Corciya ştatının Atlanta şəhərində ISEF Beynəlxalq Elm və Mühəndislik sərgisində öz layihələrini təqdim edəcəklər.

Liseyin şagirdləri - Ayaz Ömərli “Ekologiya, ətraf mühitin idarə olunması” nominasiyasında “Qarabağ regionunun ekosisteminin (meşə massivlərinin) innovativ texnologiyalar vasitəsilə sürətləndirilmiş (intensivləşdirilmiş) bərpası”, Ərhan İbrahimli “Biologiya” nominasiyasında “Hidropon sistemdən istifadə etməklə və induktorların (fitohormonların) iştirakı ilə bitkilərin yeni becərilmə texnologiyası”, Nigar Namazova və Lalə Hüseynova “Mühəndislik nominasiyasında “Qənaətcil ağıllı suvarma sistemi” layihələri ilə çıxış edirlər.

Beynəlxalq sərgidə Azərbaycanı 7 layihə ilə 12 şagird təmsil edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.