İDMAN


Gənclər və İdman Nazirliyində Rusiya və Yaponiyanın ölkəmizdəki səfirləri ilə görüş olub

Bakı, 11 oktyabr, AZƏRTAC

Gənclər və idman naziri Fərid Qayıbov Rusiyanın ölkəmizdəki səfiri Mixail Boçarnikov, Rusiya İnformasiya və Mədəniyyət Mərkəzinin direktoru İrek Zinnurov, Yaponiyanın Azərbaycandakı səfiri Cuniçi Vada və səfirliyin əməkdaşları ilə görüşüb.

AZƏRTAC Gənclər və İdman Nazirliyinin saytına istinadla xəbər verir ki, nazirlikdə keçirilən görüşlərdə həm Rusiya, həm də Yaponiya ilə ikitərəfli əlaqələrin əhəmiyyəti vurğulanıb, gənclər və idman sahələrində əməkdaşlıq məsələləri müzakirə edilib.

Görüşlərdə Yaponiyanın paytaxtı Tokioda keçirilən XXXII Yay Olimpiya Oyunlarının və Rusiyanın Kazan şəhərində təşkil edilmiş Birinci MDB Oyunlarının yüksək səviyyədə təşkil olunduğunu vurğulayan nazir Fərid Qayıbov hər iki yarışda Azərbaycan idmançılarının çıxışlarından danışıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.