Bakı, 3 iyun, AZƏRTAC

İyunun 1-dən etibarən basketbol üzrə oğlanlardan ibarət U-16 və U-18 yığma komandalarımız Qax Olimpiya İdman Kompleksində təlim-məşq toplanışına başlayıblar.

AZƏRTAC xəbər verir ki, Tahir Baxşıyev və Polad Həsənovun rəhbərlik etdiyi yığmalarımız gündə iki dəfə olmaqla, müntəzəm şəkildə məşqlərini davam etdirirlər.

U-16 və U-18 millilərimiz müvafiq olaraq 19-27 iyul tarixlərində Kosovanın Priştina və 29 iyul - 6 avqust tarixlərində Bakı şəhərlərində keçiriləcək Avropa çempionatı "C" divizionlarının oyunlarına hazırlaşırlar.

Təlim-məşq toplanışı iyunun 15-dək davam edəcək.