CƏMİYYƏT


Gənclərin İnkişaf və Karyera Mərkəzi regionlarda müxtəlif tədbirlər həyata keçirib

Bakı, 16 iyun, AZƏRTAC

Gənclərin İnkişaf və Karyera Mərkəzi 15 İyun – Milli Qurtuluş Günü ilə bağlı 55 şəhər və rayonda fəaliyyət göstərən nümayəndəliklərinin təşkilatçılığı ilə regionlarda müxtəlif tədbirlər həyata keçirilib.

Mərkəzdən AZƏRTAC-a bildiriblər ki, Ümummilli Liderin rayon mərkəzlərindəki abidələrini ziyarət edən gənclər qalib ölkənin nümayəndələri olaraq dərin sevgi və ehtiramlarını ifadə ediblər.

Tədbirlər çərçivəsində respublikanın şəhər və rayonlarında fəaliyyət göstərən Heydər Əliyev Mərkəzlərinin muzeylərinə ekskursiyalar təşkil edilib, gənclərə muzeydəki eksponatlar, Ulu Öndərin həyat yolu haqqında məlumat verilib.

Rayon rəsmiləri, tarixçilərin iştirakı ilə təşkil olunan dəyirmi masa və konfranslarda gənclər Ulu Öndərin siyasi fəaliyyəti, azərbaycançılıq məfkurəsi barədə məlumatlandırılıb.

Ulu öndər Heydər Əliyevin xatirəsinə həsr olunmuş sərgidə Ümummilli Liderin həyatı və ictimai-siyasi fəaliyyətini əks etdirən rəsmlər və kitablar nümayiş olunub.

Nümayəndəliklərin təşkilatçılığı ilə 15 İyun – Milli Qurtuluş Günü münasibətilə gənclər arasında “Nə? Harada? Nə zaman?”, “Breyn rinq” formatlı intellektual yarışlar, “Xəmsə” Milli Oyunu keçirilib, basketbol, voleybol yarışları, rəsm müsabiqəsi, rayon ərazisində veloyürüş təşkil edilib.

Milli Qurtuluş Gününə həsr edilmiş “Azərbaycan xalqının xilaskarı” və “Milli qurtuluşdan intibaha”, “15 İyun – Milli Qurtuluş Günü” filmləri gənclər tərəfindən izlənilib.

Silsilə tədbirlər musiqili-əyləncəli proqramla davam edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.