DÜNYA


Gürcüstanda keçirilən sorğunun nəticələrinə görə, prezident seçkilərində müxalifətin qələbə şansı daha çoxdur

Tbilisi, 12 oktyabr, AZƏRTAC

Gürcüstanda oktyabrın 28-də keçiriləcək prezident seçkiləri ərəfəsində ölkədə siyasi mübarizə güclənir.

AZƏRTAC Gürcüstan mətbuatına istinadla xəbər verir ki, siyasi debatlar, seçicilərlə görüşlərdə səslənən fikirlər və digər proseslər namizədlərin reytinq cədvəlinə ciddi təsir göstərir.

Mətbuat “Edison Research” şirkətinin ölkədə keçirdiyi sosioloji sorğunun nəticələrini dərc edib.

Sorğunun nəticələrinə görə, “Vahid Milli Hərəkat” partiyasının yaratdığı “Güc birlikdədir” ictimai birliyinin namizədi Qriqol Vaşadze namizədlər arasında ən çox səs qazanıb. Respondentlərin 22 faizi Q.Vaşadzeyə səs veriblər.

İkinci yerdə 18 faizlə “Avropa Gürcüstanı” partiyasının namizədi David Bakradze dayanıb.

Hakim “Gürcü arzusu-Demokratik Gürcüstan” partiyasının dəstəklədiyi müstəqil namizəd Salome Zurabişvili 15 faiz səslə üçüncü yerdədir.

Parlamentin sədri İrakli Kobaxidze “Edison Research”in sorğusunu qeyri-ciddi adlandırıb və bildirib ki, bu sorğu ölkədəki siyasi güclərin real balansını əks etdirmir.

Politoloq Arçil Qamzardiya isə bildirib ki, 2012-ci ildə keçirilən seçkilərdən sonra müxalifət ilk dəfədir ki, real qələbə şansı qazanıb.

Onun sözlərinə görə, əgər seçkilərin ikinci turu keçirilsə, müxalifətin qələbə şansı əsaslı dərəcədə artacaq.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.