DÜNYA


Gürcüstanda yerli özünüidarəetmə orqanlarına seçkilərin ikinci turunda iki milyondan çox seçici iştirak edəcək

Tbilisi, 25 oktyabr, AZƏRTAC

Gürcüstanda yerli özünüidarəetmə orqanlarına keçirilən seçkilərin ikinci turunda 2 milyon 088 min 722 seçici iştirak edəcək.

AZƏRTAC xəbər verir ki, bu barədə Gürcüstan Mərkəzi Seçki Komissiyasının (MSK) mətbuat katibi Natiya İoseliani bildirib.

Onun sözlərinə görə, MSK seçici siyahılarında dəqiqləşmə aparıb və təkrar səsvermədə iştirak edəcək seçicilərin siyahısını tərtib edib. Seçicilərin 1 milyon 002 min 525-i paytaxt Tbilisinin payına düşüb.

Qeyd edək ki, seçkilərin ikinci turu oktyabrın 30-da paytaxt Tbilisi də daxil olmaqla, 5 şəhərdə, 15 bələdiyyəni əhatə edən 24 seçki dairəsində keçiriləcək.

Xətayi Əzizov

AZƏRTAC-ın xüsusi müxbiri

Tbilisi 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.