SİYASƏT


Hərbi qulluqçular arasında atletika üzrə yarışlar keçirilib

Bakı, 26 may, AZƏRTAC

Quru Qoşunlarının 2022-ci il hazırlıq planına uyğun olaraq hərbi qulluqçular arasında atletika üzrə yarışlar keçirilib.

Müdafiə Nazirliyinin mətbuat xidmətindən AZƏRTAC-a bildiriblər ki, yarışların açılış mərasimində əvvəlcə ümummilli liderimiz Heydər Əliyevin və şəhidlərin xatirəsi bir dəqiqəlik sükutla yad edilib, hərbi orkestrin müşayiəti ilə Azərbaycan Respublikasının Dövlət Himni səsləndirilib.

Qeyd olunub ki, yarışların keçirilməsində əsas məqsəd Azərbaycan Ordusunda hərbi qulluçuların fiziki hazırlıq səviyyələrinin daha da yüksəldilməsidir.

Beynəlxalq qaydalara uyğun olaraq keçirilən yarışda tərkibi 12 nəfərdən ibarət olmaqla 10 komanda iştirak edib.

Yarışların proqramına əsasən hərbçi idmançılar müxtəlif məsafələrə qaçış, hündürlüyə və uzununa tullanma, eləcə də estafet yarışlarında güclərini sınayıblar.

Yekunda qaliblərə kubok və diplomlar təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.