ELM VƏ TƏHSİL


ICESCO Bakı Dövlət Universitetində cihaz mühəndisliyi və proqramlaşdırma təlimləri keçirəcək

Bakı, 10 iyun, AZƏRTAC

İslam Dünyası Təhsil, Elm və Mədəniyyət Təşkilatının (ICESCO) təşəbbüsü və Bakı Dövlət Universitetinin (BDU) təşkilatçılığı ilə 2021-ci il iyulun 26-dan 29-dək BDU-da gənc tədqiqatçılar üçün cihaz mühəndisliyi və proqramlaşdırma üzrə təlimlər keçiriləcək.

BDU-dan AZƏRTAC-a bildirilib ki, proqram çərçivəsində cihaz mühəndisliyi sahəsində bacarıqların artırılması məqsədilə sadə və mürəkkəb cihazların və qurğuların əsasları, hazırlanması, diaqnostikası, təmiri, dizaynı və proqramlaşdırma ilə bağlı biliklər tədris ediləcək.

Təlimlərdə BDU ilə yanaşı, Azərbaycan Dövlət Neft və Sənaye Universiteti, Azərbaycan Texniki Universiteti və Bakı Mühəndislik Universitetinin hər birindən 6 gənc tədqiqatçının iştirak etməsi nəzərdə tutulur.

Qeyd edək ki, təlim proqramı Təhsil Nazirliyinin ICESCO ilə təhsil sahəsində əməkdaşlığı çərçivəsində həyata keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.