CƏMİYYƏT


ICESCO-nun Baş direktoru “ASAN xidmət” konsepsiyasını yüksək qiymətləndirib

Qahirə, 22 sentyabr, AZƏRTAC

İslam Dünyası Elm, Təhsil və Mədəniyyət Təşkilatının Baş direktoru Salim bin Məhəmməd Əl-Malik Mərakeşdə səfərdə olan Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin nümayəndə heyəti ilə görüşüb.

Təşkilatın baş ofisindən AZƏRTAC-a bildiriblər ki, görüşdə Dövlət Agentliyinin nümayəndəsi “ASAN xidmət” konsepsiyası haqqında təqdimatla çıxış edib.

ICESCO-nun baş direktoru xidmətin fəaliyyətini yüksək qiymətləndirərək qeyd edib ki, 4-cü sənaye inqilabı dövründə “ağıllı xidmətlərin” tətbiqi böyük əhəmiyyətə malikdir və təşkilata üzv ölkələr Azərbaycanın təcrübəsindən istifadə etməlidirlər. Salim Əl-Malik, öz növbəsində, ICESCO-nun süni intellektin tətbiqi və yüksək texnologiyalar sahələrində həyata keçirdiyi proqram və layihələrdən bəhs edib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.