CƏMİYYƏT


“İdeya var!” müsabiqəsinin seçim mərhələsi keçirilib

Bakı, 25 dekabr, AZƏRTAC

Dekabrın 25-də Bakı İdman Sarayında Gənclər və İdman Nazirliyi tərəfindən “İdeya var!” gənclərin ikinci ümumrespublika elmi-yaradıcılıq müsabiqəsinin seçim mərhələsi keçirilib.

AZƏRTAC xəbər verir ki, müsabiqədə 14-29 yaşlı Azərbaycan vətəndaşları fərdi və ya müəllif qrupu kimi iştirak ediblər.

“Texniki innovasiyalar”, “Ekologiya, ətraf mühit və təbiətdən rasional istifadə. Tibb və səhiyyə sahəsində innovasiyalar”, “İstehsalat texnologiyaları və sənaye infrastrukturu. Canlı sistemlər, nəqliyyat sistemləri” və “Sosial sahə və təhsil” nominasiyaları üzrə müsabiqəyə müxtəlif ali təhsil ocaqları, gənc alimlər tərəfindən 187 layihə təqdim olunub. Bu layihələrin arasından seçilmiş 25 ən yaxşı “İdeya var!” gənclərin ikinci ümumrespublika elmi-yaradıcılıq müsabiqəsində sərgilənib, 14 qalib isə diplom və müxtəlif hədiyyələrlə mükafatlandırılıb.

Yekun nəticələrə görə, Nigar Qədəşova, Qoşqar Musaxanlı, Murad Eyvazzadə, Cavid Əhmədov birinci yeri tutublar. Günel Alıyeva, Rəşad Rəhimzadə, Şəhla Əhmədova, Nicat Səfərov, Fərid Məmmədov, Tamerlan Xalislamov ikinci, Aygül Şəxiyeva, Sürət Mehdiyev, Arif Qəhrəmanov, Sərvinaz Hacıyeva üçüncü yerə layiq görülüblər.

Ümumi mükafat fondu 4 min manat olan müsabiqədə hər nominasiya üzrə birinci yerin qalibi 500 manat, ikinci yerin qalibi 300 manat, üçüncü yerə layiq görülən isə 200 manat məbləğində mükafatla təltif ediliblər.

Tədbirdə gənclər və idman naziri Azad Rəhimov, təhsil, elm müəssisələrinin rəsmiləri və gənclər təşkilatlarının nümayəndələri iştirak ediblər.

Qeyd edək ki, müsabiqənin məqsədi gənclərin elmi və yaradıcılıq fəaliyyətini, sosial təşəbbüskarlığını stimullaşdırmaq, innovativ potensialının nümayiş etidirilməsi üçün əlverişli şərait yaratmaq, onları tədqiqat və elmi araşdırma fəaliyyətinə həvəsləndirməkdir.

Layihə Prezident İlham Əliyevin Sərəncamı ilə təsdiq edilmiş “Azərbaycan gəncliyi 2017-2021-ci illərdə” Dövlət Proqramının müvafiq bəndinin icrasını təmin etmək məqsədilə keçirilib.

Sərgi çərçivəsində müxtəlif elmi şoular, eksponatlar nümayiş etdirilib, elmi viktorinalar keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.