İQTİSADİYYAT


İqtisadiyyat Nazirliyi: Dövlət-özəl tərəfdaşlığı modelinin tətbiqi istiqamətində ölkəmiz geniş potensiala malikdir

Bakı, 28 iyul, AZƏRTAC

Asiya İnkişaf Bankının (AİB) “Azərbaycan Dövlət-Özəl Tərəfdaşlığının İnkişafı Mərkəzi və Layihələrin İnkişafı Fondunun dəstəklənməsi” layihəsinin ölkəmizdə səfərdə olan missiyasının iştirakı ilə İqtisadiyyat Nazirliyində seminar keçirilib.

Nazirlikdən AZƏRTAC-a bildirilib ki, aidiyyəti dövlət qurumlarının nümayəndələrinin də iştirak etdiyi tədbirin keçirilməsində məqsəd dövlət-özəl tərəfdaşlığı layihələrinin seçilməsi alətlərinin müəyyənləşdirilməsidir.

İqtisadiyyat nazirinin müşaviri Emil Məcidov ölkəmizlə AİB arasında əməkdaşlığın uğurlu inkişafını qeyd edib, dövlət-özəl tərəfdaşlığı modelinin tətbiqi istiqamətində ölkəmizin geniş potensiala malik olduğunu, bu istiqamətdə gələcək fəaliyyətlərin həyata keçirilməsi üzrə beynəlxalq təşkilatlarla əlaqələrin genişləndirilməsinin əhəmiyyətini vurğulayıb.

Seminarda AİB-in ekspertləri tərəfindən layihə seçimi təlimatı üzrə təqdimatlar keçirilib, iştirakçıları maraqlandıran suallar cavablandırılıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.