DÜNYA


İranda təyyarə qəzasında 3 nəfər həlak olub

Tehran, 16 fevral AZƏRTAC.

Bu gün səhər saatlarında İranın Xorasan əyalətində təlim təyyarəsi qəzaya uğrayıb. Nəticədə pilot, pilot-köməkçisi və təlim keçən müdavim həlak olublar.

AZƏRTAC yerli mətbuata istinadla xəbər verir ki, Xorasan hava limanındakı təlim təyyarələri daim texniki baxışdan keçirilir. Burada ali aviasiya məktəbinin tələbələri ilə yanaşı, mülki vətəndaşlar da təyyarə idarə etməyi öyrənirlər.

Təlim təyyarəsinin qəzaya uğramasının səbəbi haqqında hələlik məlumat verilmir. Lakin mətbuat yazır ki, ABŞ tərəfindən tətbiq olunan sanksiyalar təyyarələr üçün avadanlıq və ehtiyat hissələrinin alınmasını məhdudlaşdırıb. Odur ki, təyyarələr texniki baxışdan keçsələr də, onların avadanlıqları köhnə olaraq qalır.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.