İQTİSADİYYAT


İranın Neft naziri: Əgər Rusiya neft istehsalını azaltmasa, heç bir razılaşma olmayacaq

Bakı, 6 mart, AZƏRTAC

Əgər rəsmi Moskva neft hasilatına məhdudiyyət tətbiq etməsə, heç bir razılaşma olmayacaq.

AZƏRTAC xarici KİV-lərə istinadla xəbər verir ki, bu sözləri İranın Neft naziri Bijən Namidar Zəncənə Vyanada aparılan müzakirələrdən sonra deyib.

Qeyd edək ki, OPEC neft hasilatının sutkada daha 1,5 milyon barrel azaldılmasını və mövcud sazişin müddətinin ilin sonuna kimi uzadılmasını istəyir. Lakin OPEC bu məsələdə Rusiyanı razı sala bilmir.

Kartelin bəzi üzvləri bildiriblər ki, Rusiya bu təklifə qoşulmasa, “OPEC+” koalisiyasının istehsal məhdudiyyətləri tamamilə ləğv olunacaq.

OPEC-in baş katibi Məhəmməd Barkindo isə deyib ki, Rusiyanın koalisiyaya bağlılığına şübhə etməyə heç bir əsas yoxdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.