MƏDƏNİYYƏT


İsfar Sarabskinin “Planet” albomu dünyaca məşhur leyblda işıq üzü görüb

Bakı, 1 may, AZƏRTAC

Azərbaycanın Əməkdar artisti, pianoçu, bəstəkar və aranjemançı İsfar Sarabski “Warner Music Group” leyblında ilk albomunu çıxarıb.

AZƏRTAC xəbər verir ki, pianoçunun dünyaca məşhur “Warner Music Group” şirkətinin əməkdaşlığı ilə yazılan “Planet” albomu Beynəlxalq Caz Günündə işıq üzü görüb.

“Albom mənim dünyamıza olan hisslərimi və düşüncələrimi ümumiləşdirdiyi üçün Planet adlanır. Mən son illər bizim hamımıza təsir edən insanlar və hadisələr, düşdüyümüz vəziyyətlər, dinləyicilərimlə dialoqa çıxmaq yollarım barədə düşünürəm”, - deyə İ.Sarabski qeyd edir.

“Warner Music Group” – həcminə və səsyazma studiya şəbəkəsinə görə “böyük səsyazma şirkətləri üçlüyünə” daxil olan üçüncü konserndir. Sarabski “Warner Music Group” şirkəti ilə iki – elektron və caz musiqisi albomunun buraxılması üçün 2019-cu ilin dekabrında müqavilə imzalayıb. Həmçinin müqaviləyə əsasən əlavə layihə və albomların buraxılması imkanı da nəzərdə tutulur.

Qeyd edək ki, İsfar Sarabski “Warner Music Group” şirkəti ilə biznes-müqavilə bağlayan ilk azərbaycanlı caz musiqiçi və elektron janrda çalışan musiqiçidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.