İDMAN


İslamiada: Qadın voleybolçulardan ibarət Azərbaycan millisi yarımfinala çıxıb

Konya, 12 avqust, Səxavət Quliyev, AZƏRTAC

Qadın voleybolçulardan ibarət Azərbaycan millisi Türkiyənin Konya şəhərində təşkil olunan V İslam Həmrəyliyi Oyunlarında növbəti qələbəsini qazanıb.

AZƏRTAC xəbər verir ki, Eldar Yusubovun rəhbərlik etdiyi yığma B qrupundakı son matçında Kamerun yığmasına 3:1 (29:31, 25:12, 25:8, 28:26) hesabla qalib gələrək yarımfinala yüksəlib.

Qeyd edək ki, B qrupunda çıxış edən yığmamız 3 oyunda 3 qələbə qazanıb. Belə ki, bundan əvvəl - avqustun 8-də Seneqal - Azərbaycan və 10-da Əfqanıstan - Azərbaycan qarşılaşmaları 0:3 hesabı ilə başa çatıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.