DÜNYA


İtaliyada avtonom avtomobil sınaq sürüşlərinə başlayıb

Roma, 14 avqust, AZƏRTAC

İtaliyada avtonom rejimdə idarə olunan 14 sərnişin tutumlu avtomobil sınaq sürüşlərinə başlayıb.

AZƏRTAC xəbər verir ki, Turin şəhərində keçirilən sınaqlar uğurlu olarsa, avtomobil 2 kilometrlik xətt üzrə sərnişin daşıyacaq. Elektriklə işləyən sürücüsüz avtomobilin uzunluğu 5 metr, eni isə 2 metrdir. Nəqliyyat vasitəsi saatda 25 kilometr sürətə çata bilir, 9 saata qədər işləyir.

Fransa şirkəti tərəfindən istehsal olunan avtomobil şəhər nəqliyyatında istifadə ediləcək. Nəqliyyat vasitəsi sensorları və peyk əsaslı naviqasiya sistemi sayəsində maneələri, digər avtomobilləri və piyadaları aşkar edə bilir. Avtomobil oktyabr ayına qədər sərnişinsiz sınaqdan keçiriləcək.

Nihad Budaqov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.