DÜNYA


İtaliyada təhsil işçiləri koronavirusa qarşı icbari qaydada peyvənd oluna bilər

Roma, 23 iyul, AZƏRTAC

İtaliya hökuməti təhsil işçilərinin növbəti tədris ilinə kimi icbari qaydada peyvənd olunmasına hazırlaşır.

AZƏRTAC xəbər verir ki, İtaliya mətbuatının yaydığı məlumata görə, ölkədə təhsil işçiləri avqustun 20-dək koronavirusa qarşı peyvənd olunmağa çağırılıb. Səhiyyə məsələləri üzrə dövlət katibi Andrea Kosta bildirib ki, indiyədək təhsil işçilərinin 85 faizi peyvənd olunub və həmin tarixədək vaksinasiyada iştirak etməyən digər təhsil işçiləri icbari şəkildə vaksinasiya kampaniyasına cəlb edilə bilərlər.

Qeyd edilməlidir ki, mayın 25-dən etibarən İtaliyada xəstəxana, qocalar və əlillər evlərinin tibb işçilərinin və texniki heyətinin koronavirusa qarşı icbari qaydada peyvənd olunmasına başlanılıb. Növbəti tədris ilinə kimi eyni qayda təhsil işçilərinə şamil oluna bilər.

Hökumət təhsil işçiləri ilə yanaşı, məktəblilərin vaksinasiyasını da diqqət mərkəzində saxlayır. Yay tətili dövründə məktəblilərin 60 faizinin peyvənd olunması nəzərdə tutulur.

Elgün Niftəli

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.