REGİONLAR


KÜRDƏMİRDƏ REGİONAL AQRAR ELM MƏRKƏZİ ÜÇÜN OBYEKTLƏR İSTİFADƏYƏ VERİLMİŞDİR

Kürdəmir rayonunda Regional Aqrar Elm Mərkəzi üçün yeni inzibati bina və laboratoriya istifadəyə verilmişdir. Açılış mərasimində çıxış edən kənd təsərrüfatı naziri İrşad Əliyev demişdir ki, bu mərkəz nazirliyin Elmi Tədqiqat İnstitutlarında aparılan tədqiqatların nəticələrini alacaq, onları respublikamızın bütün bölgələrinin kənd təsərrüfatında tətbiq edəcəkdir.

Nazir mərkəzin formalaşmasında, Azərbaycan aqrar elminin beynəlxalq elmə inteqrasiyasında, qabaqcıl təcrübənin respublikamıza gətirilməsində akademik Cəlal Əliyevin xidmətlərini xüsusi vurğulamışdır. Dünya şöhrətli alimin yaratdığı yüksək məhsuldar taxıl sortlarının Kürdəmir Regional Aqrar Elm Mərkəzinin əhatə etdiyi Şirvan bölgəsində də uğurla tətbiq edildiyini söyləmişdir.

Azərbaycan Aqrar Elm Mərkəzinin baş direktoru Əsəd Musayev elm mərkəzi üçün yaradılmış şəraitə görə minnətdarlığını bildirmiş, elmi nəticələrin nümayiş etdirilməsi, fermerlərin problemlərinin öyrənilərək tədqiqat mövzularına çevrilməsi, elmi əsaslarla toxum və ting materiallarının istehsalı sahəsində görülən işlər barədə məlumat vermişdir.

Mərasim iştirakçıları yeni inzibati binaya baxmış, şöbələrlə tanış olmuşlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.