Oktyabr ayından başlayaraq Kürdəmirin, eləcə də ətraf rayonların bazarlarında təzə balıq bollaşmışdır. Bu, əsasən Kürdəmirdə balıqçılıqla məşğul olan sahibkarların fəaliyyətinin nəticəsidir.

Rayon icra hakimiyyətindən AZƏRTAC-ın müxbirinə bildirmişlər ki, hazırda sahibkarlar Məhərrəmlidə 12 hektar, Köhünlüdə 30 hektar və Carlıda 8 hektar sahəsi olan göllərdə balıq yetişdirirlər. Kürdəmirdə balıq məhsulları mağazası açılmışdır.