İDMAN


Karateçilərimiz Avropa çempionatında beş medal qazanıblar

Bakı, 3 noyabr, AZƏRTAC

“Qaraqaplan” karate klubunun yetirmələri Rusiyanın Oryol şəhərində keçirilən Avropa çempionatında uğurla çıxış ediblər.

AZƏRTAC xəbər verir ki, məşqçi Əli Rəcəbovun rəhbərliyi altında çempionata 5 karateçimiz qatılıb və hamısı mükafat qazanıb.

Çempionatda 30 kiloqram çəki dərəcəsində çıxış edən Mədinə Kazımova bütün rəqiblərinə qalib gələrək fəxri kürsünün ən yüksək pilləsinə qalxıb.

Turnirdə 10-11 yaşlı idmançıların yarışında Orxan Musayev (50 kq-dan yuxarı) finaladək inamla irəliləyib. Həlledici görüşdə məğlub olan karateçimiz gümüş medalla kifayətlənib.

Klubun digər üzvləri Nazim Hacıyev (8-9 yaş, 30 kq), Rafael Zeynalov (8-9 yaş, 38 kq-dan yuxarı) və Fərəc Əliyev (10-11 yaş, 40 kq) çempionatı üçüncü pillədə başa vurublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.