MƏDƏNİYYƏT


Kitabxanada canlandırılan müxtəlif nağıl personajları pozitiv təəssürat oyadıb

Bakı, 29 iyul, AZƏRTAC

Bakı Şəhər Mədəniyyət Baş İdarəsinin Nərimanov rayon Mərkəzləşdirilmiş Kitabxana Sisteminin Mərkəzi Kitabxanasında nağıl personajları ilə çay süfrəsi təşkil edilib.

İdarədən AZƏRTAC-a bildirilib ki, tədbir zamanı kitabxana əməkdaşları və fəal oxucular tərəfindən uşaqlar üçün “Alisa möcüzələr ölkəsində” əsərindəki "Çılğın çay süfrəsi" canlandırılıb. Onlar “Papaqçı”, “Alisa” və “Bəyaz şahzadə” personajlarının simasında əsərdə baş vermiş hadisələri obrazlı şəkildə uşaqlara nəql ediblər. Tədbirdə uşaqlar maraqlı və əyləncə dolu anlar yaşayıblar. Sonda kitabxana əməkdaşları tərəfindən uşaqlara sürpriz dolu hədiyyələr təqdim edilib.

Qeyd edilib ki, tədbirin keçirilməsində əsas məqsəd uşaqların yay tətilində asudə vaxtlarını daha səmərəli keçirmələrini təmin etmək və onlarda kitablara qarşı sevgi yaratmaqdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.