DÜNYA


Konqoda An-72 tipli hərbi yük təyyarəsi qəzaya uğrayıb

Bakı, 11 oktyabr, AZƏRTAC

Konqo Demokratik Respublikasının Prezidenti Feliks Çisekediyə xidmət edən, göyərtəsində səkkiz nəfərin olduğu An-72 tipli hərbi yük təyyarəsi ölkənin şərqində qəzaya uğrayıb.

AZƏRTAC yerli Politico nəşrinə istinadla xəbər verir ki, Mülki Aviasiya İdarəsinin məlumatına əsasən, oktyabrın 10-da yerli vaxtla saat 13:32-də Goma şəhər aeroportundan havaya qalxan təyyarə saat 16:43-də Kinşasada yerə enməli idi. Lakin bir saat sonra təyyarə ilə əlaqə kəsilib və o, radarlardan itib.

İnsident zamanı An-72 tipli hərbi yük təyyarəsinin göyərtəsində prezidentin mühafizə xidmətinin üç əməkdaşı, onun şəxsi sürücüsü və dörd ekipaj üzvü olub.

Bir qədər əvvəl təyyarənin qalıqları ölkənin şərqində yerləşən Maniema əyalətinin ərazisində aşkarlanıb. Sərnişinlərin və heyət üzvlərinin taleyi barədə məlumat verilmir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.