DÜNYA


Koreya Respublikasında dünyada ilk dəfə olaraq “robotlara vergi” tətbiq ediləcək

Bakı, 21 avqust, AZƏRTAC

Koreya Respublikası hökuməti dünyada ilk dəfə olaraq “robotlara vergi” adlanan yeni vergi tətbiq edəcək. Bu addım insanları robotların əvəz etməsinin kütləvi işsizliyə yol açması barədə ictimai rəydə formalaşmış qorxu fonunda atılıb.

AZƏRTAC “vergiler.az” saytına istinadla bildirir ki, bununla bağlı ölkədə robot texnologiyası üçün müəyyənləşdirilmiş vergi güzəştlərinin məhdudlaşdırılacağı gözlənilir.

Hesab edilir ki, “robotlara vergi” insanların əvəzinə maşınların işləyəcəyi şəraitdə gəlir vergisi üzrə itirilmiş məbləği kompensasiya edə, eləcə də işsizliyin gözlənilən artımı ərəfəsində sosial xəzinənin doldurulmasına yardımçı ola bilər.

“Robotlara vergi” təklifi artıq bu ilin sonundan qanunvericilikdə qüvvəyə minə bilər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.