DÜNYA


Kraliça II Elizabetin həyat yoldaşı xəstəxanaya yerləşdirilib

London, 18 fevral, AZƏRTAC

Kraliça II Elizabetin həyat yoldaşı Edinburq hersoqu 99 yaşlı şahzadə Filip özünü pis hiss etdikdən sonra xəstəxanaya yerləşdirilib.

Londondakı xüsusi Kral VII Edvard Xəstəxanasına aparılan şahzadənin COVID-19 ilə əlaqəli olmayan başqa bir xəstəlikdən əziyyət çəkdiyi üçün xəstəxanaya yerləşdirildiyi bildirilib.

Bukingem Sarayı hersoqun özünü pis hiss etdiyi üçün həkiminin tövsiyəsi ilə xəstəxanaya yerləşdirildiyini və bir neçə gün müşahidə altında qalacağını açıqlayıb.

Qeyd edək ki, 94 yaşlı Kraliça və hersoq koronavirus pandemiyası başlayandan bəri London yaxınlığındakı Vindzor qalasında yaşayırlar və hər ikisinə yanvar ayında COVID-19 peyvəndinin ilk dozası vurulub. Hersoqun iyun ayında 100 yaşı tamam olacaq.

 

Aynurə Tağıyeva

AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.