SİYASƏT


Küveytdəki həmvətənlərimiz Silahlı Qüvvələrə Yardım Fonduna ianə ediblər

Bakı, 14 oktyabr, AZƏRTAC

Ərazi bütövlüyümüz uğrunda vuruşan şanlı ordumuza dəstək məqsədilə Azərbaycanın Küveyt Dövlətindəki səfirliyinin əməkdaşları və bu ölkədə yaşayan Azərbaycan icmasının üzvləri Silahlı Qüvvələrə Yardım Fonduna 18800,39 ABŞ dolları və 1000 AZN məbləğində vəsait köçürüblər.

Bu barədə AZƏRTAC-a ölkəmizin Küveytdəki səfirliyindən məlumat verilib.

Məlumatda qeyd edilib: “Azərbaycanın Küveytdəki səfirliyinin əməkdaşları, bu ölkədə yaşayan, işləyən, təhsil alan vətəndaşlarımız və ailə üzvlərimiz adından Azərbaycan Prezidenti və Ali Baş Komandanın Silahlı Qüvvələrimizin işğal olunmuş ərazilərin azad edilməsi istiqamətində qazandığı zəfərlər münasibətilə Azərbaycan xalqına təbrikinə qoşulur, başda Ali Baş Komandanımız olmaqla, bütün xalqımıza daha böyük qələbələr arzulayırıq. Bildiririk ki, Ali Baş Komandanın rəhbərliyi ilə torpaqlarımızın mənfur düşməndən azad edilməsinə başlanması bizi də ürəkdən sevindirir. Vətənimiz Azərbaycanın öz ərazi bütövlüyünü bərpa etmək uğrunda mübarizəsində rəşadətli və yenilməz ordumuza yeni qalibiyyətlər, xalqımıza qələbə sevinci arzu edirik.

Qarabağ bizimdir, Qarabağ Azərbaycandır!

Eşq olsun qüdrətli Azərbaycan Ordusuna!”.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.