CƏMİYYƏT


Laboratoriya sistemlərinin gücləndirilməsi məqsədilə Gəncədə təlim təşkil olunub

Bakı, 7 iyul, AZƏRTAC

Gəncədə “Laboratoriyaların tibbi tullantıları və onların idarə edilməsi” mövzusunda təlim təşkil olunub.

AZƏRTAC Tibbi Ərazi Bölmələrini İdarəetmə Birliyinin (TƏBİB) rəsmi feysbuk səhifəsinə istinadla bildirir ki, TƏBİB-in və Ümumdünya Səhiyyə Təşkilatının (ÜST) əməkdaşlığı çərçivəsində həyata keçirilən tədbirdə Gəncə ilə yanaşı Samux, Goranboy, Qazax, Gədəbəy, Mingəçevir, Ağstafa, Göygöl, Şəmkir, Daşkəsən kimi ətraf regionların nümayəndələri də iştirak edib. ÜST-ün eksperti Radu Kojokarunun təlim keçdiyi bu toplantıda, həmçinin TƏBİB-in əməkdaşları Ramin Burcəliyev və Vəfa Qocayeva da çıxış edib.

Laboratoriya sistemlərinin gücləndirilməsi məqsədilə təşkil edilən silsilə treninqlərə laboratoriya, infeksiya və biotəhlükəsizlik işləri ilə məşğul olan mütəxəssislər dəvət olunub. Təlimin iyul ayının 8-dək davam etdirilməsi nəzərdə tutulub.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.