ELM VƏ TƏHSİL


Lənkəran Peşə Liseyi yeni layihəyə başlayıb

Bakı, 7 dekabr, AZƏRTAC

Lənkəran Peşə Liseyi peşəyönümü işinin təşkili və peşə təhsilinin təbliği ilə bağlı yeni layihəyə başlayıb.

Təhsil Nazirliyindən AZƏRTAC-a bildiriblər ki, layihə çərçivəsində ilk tədbir V.Əliyev adına Lənkəran şəhər 4 nömrəli humanitar təmayüllü məktəb-liseydə sərgi–seminar formatında təşkil olunub.

Tədbirdə ölkəmizdə peşə təhsilinin inkişafı istiqamətində görülən işlər barədə məlumat verilib, gənclər arasında peşəyönümü işinin düzgün təşkilinin vacibliyi vurğulanıb.

Tədbir çərçivəsində təşkil edilən sərgidə Lənkəran Peşə Liseyinin tələbələrinin əl işləri nümayiş olunub, peşə təhsili və təlimi haqqında məktəb-liseyin şagirdlərinə və onların valideynlərinə məlumat verilib. Şagirdlər istehsalat prosesində iştirak ediblər.

Lənkəran Peşə Liseyi tərəfindən hazırlanan mini futbol qapıları məktəb-liseyin ibtidai siniflərinə hədiyyə olunub.

Peşəyönümü işinin təşkili çərçivəsində növbəti tədbirlər ölkənin digər ümumtəhsil müəssisələrində davam etdiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.