Lənkəranda Respublika Gününə həsr olunmuş onlayn müsabiqə keçirilib

Lənkəran, 27 may, Bağır Əliyev, AZƏRTAC

Lənkəranda Azərbaycan Respublikasının Dövlət Himni ilə bağlı onalayn müsabiqə keçirilib. Respublika Gününə həsr olunmuş müsabiqəni keçirməkdə məqsəd yeniyetmə və gənclərə dövlət rəmzlərimizə hörmət hissi aşılamaq, gənclərin vətənpərvərlik ruhunda tərbiyəsinə töhfə verməkdir.

AZƏRTAC-ın bölgə müxbiri xəbər verir ki, müsabiqədə iştirak edən gənclər dövlət himnini onlayn ifa ediblər. Münsiflər heyətinin qərarı ilə Ramal Sovqatov (VII sinif şagirdi) birinci, Aysun Abbaszadə (VIII sinif şagirdi) ikinci, Fatimə Səfərli isə üçüncü yerlərə layiq görülüblər.

Qaliblərə Lənkəran Şəhər Gənclər və İdman İdarəsinin mükafatları təqdim olunacaq.