DÜNYA


“Lukoyl” Rusiyadakı “Shell” yanacaqdoldurma məntəqələrini satın alıb

Bakı, 12 may, AZƏRTAC

“Lukoyl” kompaniyası Rusiyada 400-dən çox yanacaqdoldurma məntəqəsinə və sürtkü materialları zavoduna sahib olan “Shell neft” MMC-ni satın alıb.

AZƏRTAC TASS informasiya agentliyinə istinadla xəbər verir ki, bu barədə “Lukoyl” kompaniyasının məlumatında deyilir.

“Lukoyl” ASC Rusiyada neft məhsullarının pərakəndə satışı və sürtkü materiallarının istehsalı ilə məşğul olan “Shell neft” MMC-nin bütün hissələrinin əldə edilməsinə dair kompaniyanın törəmə şirkətləri ilə müqavilə imzalayıb. Buraya “Shell neft” MMC-nin əsasən ölkənin Mərkəzi və Şimal-Qərb federal dairələrində yerləşən 411 yanacaqdoldurma məntəqəsi və Tver vilayətindəki sürtkü materialları zavodu daxildir.

Fevralın 28-də “Shell” kompaniyası Rusiya ilə bütün müştərək layihələrdən, o cümlədən Avropaya qaz tədarükü üzrə “Şimal axını-2” və maye qaz istehsalı üzrə “Saxalin-2” layihələrindən çıxdığını, martın 8-də isə Rusiyanın neft məhsullarından, boru kəməri ilə ötürülən maye qazdan mərhələli şəkildə imtina edəcəyini açıqlayıb. Kompaniya, həmçinin dünya bazarında Rusiyadan xam neft alınmasını və rusiyalı tədarükçülərlə uzunmüddətli neft müqavilələrini yeniləməyi dayandırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.