İDMAN


“Mançester Siti” UEFA-ya izahat verməkdən imtina edib

Bakı, 17 yanvar, AZƏRTAC 

İngiltərənin “Mançester Siti” futbol klubu maliyyə feyr-pley qaydalarının pozulması ilə bağlı UEFA-ya izahat verməkdən imtina edib.

AZƏRTAC xəbər verir ki, bundan əvvəl alman “Der Spiegel” nəşri ingilis klubunun 2013-2015-ci illərdə maliyyə fırıldaqları barədə informasiya dərc edib. “Mançester Siti” bu məlumatın dəqiqliyini təkzib etməsə də, ittihamların hakerlər tərəfindən oğurlanmış informasiyalara əsaslandığını bəyan edib. Ona görə də klub UEFA-nın vəziyyəti aydınlaşdırmaqla əlaqədar sorğusuna cavab verməyib.

Bundan başqa, “Der Spiegel” nəşrinin özünü Con adlandıran və adının gizli qalmasını istəyən portuqaliyalı bir nəfərin informasiyasından istifadə etdiyi qeyd olunur. Bu ərəfədə Budapeştdə “Football Leaks” saytı üçün işləyən Rui Pintu adında portuqaliyalı hakerin saxlanıldığı da məlum olub.

Bütün bunlardan sonra UEFA “Mançester Siti” haqqında təhqiqata başlaya bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.