DÜNYA


Maqnitoqorskda yaşayış binasının dağıntılarında partlayıcı izi tapılmayıb VİDEO

Bakı, 4 yanvar, AZƏRTAC

Təhqiqatçılar Maqnitoqorskda yaşayış binasının dağıntılarına baxışı sona çatdırıblar və orada partlayıcı maddə izlərinə rast gəlməyiblər.

AZƏRTAC TASS informasiya agentliyinə istinadla xəbər verir ki, bunu Rusiya İstintaq Komitəsinin rəsmi nümayəndəsi Svetlana Petrenko bildirib. Onun sözlərinə görə, müstəntiq-kriminalistlərin və İstintaq Komitəsi ekspertlərinin hadisə yerindən götürülmüş dağıntı fraqmentlərinə baxışı zamanı partlayıcı maddələrin və ya onların komponentlərinin izləri aşkarlanmayıb.

İstintaq Komitəsi məlumat verib ki, əsas versiya məişət qazının partlamasıdır. Bununla yanaşı, onmərtəbəli binada baş verən partlayışla bağlı bütün versiyalar nəzərdən keçirilir.

FHN cümə axşamı günü xilasetmə işlərini başa çatdırıb. Son məlumata əsasən, yaşayış binasının dağıntıları altından 39 cəsəd çıxarılıb. Həlak olanların 6-sı uşaqdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.