SİYASƏT


Mariya Zaxarova: Cənubi Qafqazda kommunikasiya xətlərinin açılması ilə bağlı bütün məsələlər üçtərəfli işçi qrupu çərçivəsində həll olunmalıdır

Moskva, 28 oktyabr, AZƏRTAC

Cənubi Qafqazda Zəngəzur dəhlizinin yaradılması ilə bağlı mübahisələr də daxil olmaqla, nəqliyyat kommunikasiyalarının açılması ilə bağlı bütün məsələlər Azərbaycan, Ermənistan və Rusiya baş nazirlərinin müavinlərinin həmsədrliyi ilə üçtərəfli işçi qrupu çərçivəsində nəzərdən keçirilməli və həll edilməlidir.

AZƏRTAC xəbər verir ki, bunu Rusiya Federasiyası Xarici İşlər Nazirliyinin rəsmi nümayəndəsi Mariya Zaxarova Moskvada keçirdiyi brifinqdə bildirib.

Onun sözlərinə görə, artıq bu mexanizmin səkkiz iclası keçirilib və bütün tərəflər onun fəaliyyətini yüksək qiymətləndirirlər.

“Biz Cənubi Qafqazda bütün iqtisadi-nəqliyyat əlaqələrinin açılmasına dair üçtərəfli razılaşmaların həyata keçirilməsinə kömək edən bəyanatlara və addımlara sadiq qalmağı düzgün hesab edirik”, - deyə M.Zaxarova vurğulayıb.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.