REGİONLAR


Masallıda ilk dəfə səs verəcək gənclərlə görüş keçirilib

Masallı, 29 noyabr, Bağır Əliyev, AZƏRTAC

Masallı şəhərindəki Gənclər Mərkəzində Rayon Gənclər və İdman İdarəsinin təşkilatçılığı ilə dekabrın 23-də ölkəmizdə keçiriləcək bələdiyyə seçkiləri ilə əlaqədar ilk dəfə səs verəcək gənclərlə görüş keçirilib.

AZƏRTAC-ın bölgə müxbiri xəbər verir ki, tədbirdə çıxış edən Masallı Rayon Gənclər və İdman İdarəsinin rəisi Camal Manafov bildirib ki, tədbirin keçirilməsində məqsəd gənclərin ictimai həyatda rolunu artırmaq, ilk dəfə səs verən gəncləri seçki proseduru ilə bağlı maarifləndirmək, onların seçkilərdə fəal iştirakını təmin etməklə vətəndaş cəmiyyətinin inkişafına töhfə verməkdir.

Görüşdə çıxış edən 70 saylı Masallı şəhər seçki dairəsinin katibi Sərxoş Nuriyev, 71 saylı Masallı kənd seçki dairəsinin üzvü Arif Mehtiyev Azərbaycan Respublikasında seçkilərin əsas prinsipləri, seçkilər haqqında qanunvericilik, Seçki Məcəlləsinə edilmiş əlavə və dəyişikliklər, seçki prinsipləri və vətəndaşların hüquqları, səsvermə qaydaları, seçki komissiyaları, seçici siyahıları və səsvermə sənədləri, seçki məntəqəsində səslərin hesablanması, müşahidəçilik institutu, seçki qanunvericiliyini pozmağa görə məsuliyyət, seçkilərin nəticələri, protokolların tərtibatı haqqında gəncləri məlumatlandırıblar.

Masallı Rayon Ağsaqqallar Şurasının sədri Ələşrəf Niftiyev çıxışında gənclərimizi qarşıdan gələn bələdiyyə seçkilərində fəal olmağı və öz hüquqlarından istifadə edərək layiqli namizədlərə səs verməyi tövsiyə edib.

Sonda gəncləri maraqlandıran suallar cavablandırılıb, onlara bələdiyyə seçkiləri ilə bağlı hazırlanmış bukletlər paylanılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.