İQTİSADİYYAT


Mayda "Sabunçu" dəmir yolu stansiyasının açılışı olacaq

Bakı, 15 mart, AZƏRTAC

"Azərbaycan Dəmir Yolları" QSC mayda "Sabunçu" stansiyasının açılışını edəcək.

AZƏRTAC xəbər verir ki, bu barədə jurnalistlərə QSC-nin sədri Cavid Qurbanov Bakı dairəvi dəmir yolu istiqamətində həyata keçirilən işlər barədə danışarkən bildirib.

C.Qurbanov qeyd edib ki, Abşeron dairəvi dəmir yolu xəttində aparılan işləri bir-iki aya bitirəcəyimizi düşünürdük, lakin orada iş çoxdur - çox yerlərdə kəsişmələr var. Avtomobil yolları ilə dəmir yolu xəttinin kəsişməsinin aradan qaldırılması istiqamətində iş aparılır. Çalışırıq ki, bütün keçidlər yeraltı olsun. Bununla da təhlükəsizliyi və rahatlığı təmin etməyə çalışırıq.

"Sabunçudan Bakının mərkəzinə qədər ikinci marşrutu açacağıq. Sabunçudan Sumqayıta qədər olan məsafədə işlər ilin sonuna yekunlaşacaq. Bunun üçün qatarlar sifariş edilib və iki əlavə qatarımız var. Əvvəllər Sabunçudan Bakının mərkəzinə yarım saata çatmaq mümkün idisə, hazırda bu məsafə on dəqiqəyə bərabər olacaq”, - deyə C.Qurbanov əlavə edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.