CƏMİYYƏT


Meşəbəyi tərəfindən ağacların qanunsuz kəsilməsi faktı ilə bağlı cinayət işi başlanıb

Bakı, 6 oktyabr, AZƏRTAC

Zaqatala Regional Meşə Təsərrüfatı Mərkəzinin Əliabad meşəbəyiliyinin ərazisində ağacların qanunsuz kəsilməsi barədə daxil olmuş material əsasında rayon prokurorluğunda araşdırma aparılıb.

Rayon prokurorluğundan AZƏRTAC-a bildiriblər ki, araşdırmalarla Əliabad meşəbəyiliyinin meşəbəyi Fazil Cumayevin vəzifə səlahiyyətlərindən sui-istifadə edərək, mayın əvvəllərində xidmət etdiyi xüsusi mühafizə olunan Əliabad meşəbəyiliyinin 7 saylı dolayının 16-cı kvartalında yerləşən müxtəlif növ 11 ağacı meşə gözətçisinin xəbəri olmadan kəsməsi nəticəsində təbiətə 8792 manat məbləğində maddi ziyan dəyməsi müəyyən edilib.

Faktla bağlı rayon prokurorluğu tərəfindən Fazil Cumayev barəsində Cinayət Məcəlləsinin 308.1-ci (vəzifə səlahiyyətlərindən sui-istifadə etmə) və 259.2.4-cü (külli miqdarda ziyan vurmaqla qanunsuz ağac kəsmə) maddələri ilə cinayət işi başlanıb.

Hazırda iş üzrə zəruri istintaq hərəkətləri davam etdirilir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.