CƏMİYYƏT


Milli Aviasiya Akademiyasının şəhid məzunu yad edilib

Bakı, 29 noyabr, AZƏRTAC

Noyabrın 28-də İkinci Qarabağ müharibəsi iştirakçısı, Milli Aviasiya Akademiyasının məzunu, şəhid Vüsal Aftandil oğlu Məmmədovun ildönümü mərasimi keçirilib.

Akademiyadan AZƏRTAC-a bildirilib ki, mərasimdə Milli Aviasiya Akademiyasının müəllim və tələbə heyəti, əməkdaşları iştirak ediblər. Əvvəlcə şəhidin məzarı ziyarət olunub, əklil qoyulub, ruhuna dualar oxunub. Mərasimdə çıxış edən akademiyanın “Nəqliyyat texnologiyaları” fakültəsinin dekanı Nazim Nağıyev akademiyanın rəhbərliyi və kollektivi adından şəhidin ailəsinə dərin hüznlə başsağlığı verib, onlara Allahdan səbir diləyib.

Vüsal Aftandil oğlu Məmmədov Ağdərə və Suqovuşanın azad olunması uğrunda gedən döyüşlərdə iştirak edib. 2020-ci il oktyabrın 12-də Füzuli istiqamətindəki döyüşlərdə qəhrəmancasına şəhid olub.

Vüsal Məmmədov ölümündən sonra Azərbaycan Respublikası Prezidenti İlham Əliyevin 2020-ci il 15 dekabr tarixli Sərəncamı ilə “Vətən uğrunda”, 2021-ci il 24 iyun tarixli Sərəncamı ilə “Cəsur döyüşçü”, “Suqovuşanın azad olunmasına görə” medalları ilə təltif edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.